ಆಳ್ವಾಸ್ ವಿಶ್ವನುಡಿಸಿರಿ : ತೆಂಕುತಿಟ್ಟು ಯಕ್ಷಗಾನ ಸ್ಪರ್ಧೆ
ಲೇಖಕರು : ಸತೀಶ್ ನಾಯಕ್ , ಪಕಳಕು೦ಜ
ಭಾನುವಾರ, ಡಿಸೆ೦ಬರ್ 1 , 2013
|
|
ಡಿಸೆ೦ಬರ್ 1, 2013
|
ಆಳ್ವಾಸ್ ವಿಶ್ವನುಡಿಸಿರಿ : ತೆಂಕುತಿಟ್ಟು ಯಕ್ಷಗಾನ ಸ್ಪರ್ಧೆ
ಮೂಡುಬಿದಿರೆ :
ಪದ್ಯದ ಅರ್ಥವನ್ನು ಸರಿಯಾಗಿ ತಿಳಿದುಕೊಂಡು, ಅದಕ್ಕೆ ಸರಿಯಾದ ಅಭಿನಯ, ನಾಟ್ಯ ಮದ್ದಲೆಗಳನ್ನು ಕಲಿಯಬೇಕು. ಕುಣಿತದಲ್ಲಿ ಲಾಲಿತ್ಯವಿರಬೇಕು. ಜನರಿಗೆ ಮುಟ್ಟುವಂತೆ ಅಭಿನಯಿಸಬೇಕು. ಹೀಗಾದಾಗ ಯಕ್ಷಗಾನ ಜನಾಕರ್ಷಣೆ ಪಡೆಯಲು ಸಾಧ್ಯ ಎಂದು ರಾಜ್ಯ ಪ್ರಶಸ್ತಿ ಪುರಸ್ಕೃತ ಹಿರಿಯ ಭಾಗವತ ಬಲಿಪ ನಾರಾಯಣ ಭಾಗವತರು ಹೇಳಿದರು.
ಆಳ್ವಾಸ್ ವಿಶ್ವನುಡಿಸಿರಿ ವಿರಾಸತ್ ಅಂಗವಾಗಿ ಆಳ್ವಾಸ್ ೀಂಕಿಟ ಯಕ್ಷಗಾನ ಅಧ್ಯಯನ ಕೇಂದ್ರವು ಸಮಾಜ ಮಂದಿರದಲ್ಲಿ ಆಯೋಜಿಸಿರುವ ಮೂರು ದಿನಗಳ ತೆಂಕು ತಿಟ್ಟು ಯಕ್ಷಗಾನ ಸ್ಪರ್ಧೆಯನ್ನು ಭಾನುವಾರ ಉದ್ಘಾಟಿಸಿ ಅವರು ಮಾತನಾಡಿದರು.
ಹಿಂದೆ ಯಕ್ಷಗಾನ ದೀನ ಸ್ಥಿತಿಯಲ್ಲಿದ್ದರೂ ಯಕ್ಷಗಾನ ವಿದ್ವಾಂಸರು ಹೆಚ್ಚಿದ್ದರು. ಕಲಿಕಾ ಕೇಂದ್ರಗಳಿರಲಿಲ್ಲ. ಒಂದು ಊರಿನಿಂದ ಮತ್ತೊಂದು ಊರಿಗೆ ಹೋಗುವಾಗ ಕುಣಿಯುತ್ತಲೇ ಯಕ್ಷಗಾನ ಕಲಿಯುತ್ತಿದ್ದರು. ಈಗ ಶಾಲೆ ಕಾಲೇಜುಗಳಲ್ಲಿ ಯಕ್ಷಗಾನ ಅಧ್ಯಯನ ಕೇಂದ್ರಗಳನ್ನು ತೆರೆಯುವ ಮೂಲಕ ಈ ಕಲೆ ಜನಪ್ರಿಯಗೊಳ್ಳುತ್ತಿದೆ. ಇಲ್ಲಿ ಕಲಿತವರು ಯಕ್ಷಗಾನದಲ್ಲೇ ಉಳಿಯುವುದು ವಿರಳ. ಶಾಲಾ ಕಾಲೇಜುಗಳಲ್ಲಿ ಯಕ್ಷಗಾನ ಕಲಿಸುವವರು ಶ್ರದ್ಧೆಯಿಂದ ಕಲೆಗೆ ಅಪಚಾರವಾಗದಂತೆ ಕಲಿಸಬೇಕು ಎಂದರು.
ಶುಭಾಶಂಸನೆ ಮಾಡಿದ ಅಲಂಗಾರು ಮಹಾಲಿಂಗೇಶ್ವರ ದೇವಸ್ಥಾನದ ಪ್ರಧಾನ ಅರ್ಚಕ ಈಶ್ವರ ಭಟ್ ಮಾತನಾಡಿ, ಯಕ್ಷಗಾನ ನ್ಯೂನತೆಗಳಿಲ್ಲದ ಕಲೆ. ಇದಕ್ಕೆ ಸರಿಸಮಾನವಾದ ಕಲೆ ಬೇರೊಂದಿಲ್ಲ. ಯಕ್ಷಗಾನ ಸ್ಪರ್ಧೆಗಳು ಹೊಸ ಪೀಳಿಗೆಗೆ ತಮ್ಮ ಪ್ರತಿಭೆ ಪ್ರದರ್ಶಿಸಲು ಸಹಕಾರಿಯಾಗುತ್ತದೆ ಎಂದರು.
ಧನಲಕ್ಷ್ಮೀ ಉದ್ಯಮ ಸಮೂಹದ ಆಡಳಿತ ನಿರ್ದೇಶಕ ಕೆ.ಶ್ರೀಪತಿ ಭಟ್ ಅಧ್ಯಕ್ಷತೆ ವಹಿಸಿದ್ದರು. ಆಳ್ವಾಸ್ ರಂಗ ಅಧ್ಯಯನ ಕೇಂದ್ರದ ನಿರ್ದೇಶಕ ಜೀವನ್ ರಾಮ್ ಸುಳ್ಯ ಧೀಂಕಿಟ ಯಕ್ಷಗಾನ ಅಧ್ಯಯನ ಕೇಂದ್ರದ ನಿರ್ದೇಶಕ ಸದಾಶಿವ ಶೆಟ್ಟಿಗಾರ್, ವಿಶ್ವ ನುಡಿಸಿರಿ ವಿರಾಸತ್ ಯಕ್ಷಗಾನ ಸಮಿತಿಯ ಅಧ್ಯಕ್ಷ ದೇವಾನಂದ ಭಟ್ ಉಪಸ್ಥಿತರಿದ್ದರು. ಉಪನ್ಯಾಸಕ ಟಿ.ಎ.ಎನ್.ಖಂಡಿಗೆ ಸ್ವಾಗತಿಸಿದರು. ಗುರುಪ್ರಸಾದ್ ವಂದಿಸಿದರು. ಉಪನ್ಯಾಸಕ ಡಾ.ಯೋಗೀಶ್ ಕೈರೋಡಿ ಕಾರ್ಯಕ್ರಮ ನಿರ್ವಹಿಸಿದರು.
ಕೃಪೆ :
http://vijaykarnataka.indiatimes.com/
|
|
|
